Savolim bor (Sevgi haqida she'r)

Minglab qo'shiq, ming bitta she'rlar,
Yodga solar sevgimni har tun...
Hamma seni arzimas derlar,
Savolim bor: ayrildik nechun?

Sevmadingmi meni nahotki,
Nega berding baxtlardan uchqun?
Ketasan! Mayli ket, shunchaki,
Savolim bor: ayrildik nechun?

Orzulari osmon edik biz,
Sira bo'lmay sevgidan mahzun...
Bugun ko'r, begona ikkimiz,
Savolim bor: ayrildik nechun?

Mayli kutay javobni uzoq,
Aytgin deya sanamayman kun.
Faqat dema: bo'lding o'yinchoq,
Savolim bor: ayrildik nechun?

Jim turasan ko'zlaringda yosh,
Jimman men ham, nega, noma'lum...
Siringni ayt, bo'laman darddosh,
Ayrildikmi HIYONAT uchun???