Главная » SEVGI ROMANTIKA HAQIDA SHERLAR SMS » Seni sevganlarim esinga tushsin

Seni sevganlarim esinga tushsin

Kimnidir sog'inib yolg'iz qolganingda,
Seni sevganlarim yodinga tushsin.
Qismating oldida ojiz qolganda,
Meni kuyganlarim yodinga tushsin.

Sendan baxtlar yuzin bursa yig'lama,
Yuraging alamga to'lsa yig'lama.
Hayotdan umiding so'nsa yig'lama,
Meni aytganlarim yodinga tushsin.

Suyganing yuz burib vafo qilmasa,
Bitta shirin so'zin ravo ko'rmasa.
Va'dalar bersa-yu, ammo kelmasa,
Meni kutganlarim yodinga tushsin.

Qalbingni dardini aritolmasang,
Umringni bir kunin yoritolmasang.
Kimnidir qiynalib unutolmasang,
Alam yutganlarim yodinga tushsin.

Ko'z oldingda yoring xiyonat qilsa,
Sen ko'z yosh to'ksang-u, u beparvo kulsa.
Atayin yoningda o'zgani quchsa,
Meni ko'rganlarim yodinga tushsin.

Mayli men roziman eslamasang ham,
Sen qaydasan deb izlamasang ham.
Kimgadir bu haqida so'zlamasang ham,
Seni sevganlarim yodinga tushsin...!



«Seni sevganlarim esinga tushsin»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]