Главная » SEVGI ROMANTIKA HAQIDA SHERLAR SMS » Sensizlik

Sensizlik

Meni o'g'irlab ket o'z dunyoyimdan,
Sensiz dunyolardan charchadim jonim.
Muhabbat qadriga yetmayin qara,
Yolg'izlik qahriga uchradim jonim.

Meni o'g'irlab ket o'z hayotimdan,
Kuchim yetmayapti so'ngsiz g'amlarga.
Meni qutqar jonim kelib o'zimdan,
Yurak bo'yalmasin qizil qonlarga.

Meni o'g'irlab ket o'z ko'zlarimdan,
Yasholmayman seni bir kun ko'rmayin.
Yonimda bo'lmasang kerakmas hayot,
Yonimda bo'lmasang o'lmog'im tayin.

Kelib ko'r sensizlik ne kuyga soldi,
Kelib ko'r yolg'izlik ayladi xasta.
Ismingni aytmoqda har bir tomirim,
Ismingni aytmoqda lablarim asta.

Meni o'g'irlab ket mendan azizim,
Bunday o'g'rilikka olmassan jazo.
Sensizlik shu qadar g'ajir ruhimni,
Sensizlik shu qadar bermoqda azob.

Meni o'g'irlab ket o'z dunyoyimdan,
Ishongin yomonam charchadim jonim.
Men sening qalbingdan otilgan ohman,
Yana o'zing tomon sachradim jonim.



«Sensizlik»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]