Tushingizda meni ko'rib turasizmi hech?

Qaroqlar mudroqning og'ushida mast,
Yodingiz yetaklab tushar kunda kech,
Yolg'onni qo'ying-u ayting qani rost,
Tushingizga kirib turamanmi hech?

Bilaman baribir chiqmas bitta un,
Bittalab so'nadi kunora uchqun,
Men faqir xokisor, men bitta majnun,
Tushingizga kirib turamanmi hech?

Ilmaysiz bir zumga nazarga bizni,
Bemehir, beshafqat ataymi sizni,
Shoshqaloq, men "ahmoq andishasiz"ni,
Tushingizda ko'rib turasizmi hech?

Mosuvodir azal sizni ko'rishdan,
Zerikmaydi sira yonish-tonishdan,
Siz ham ko'ring so'rab qani darveshdan,
Tushlariga kirib turasizmi hech?

Asadbek Baltayev