Yarim yurak

Qorong'u tun meni yutib,
O'z domiga tortib qiynar.
Yarim yurak baxtni kutib,
Yolg'iz dilni azob tirnar.

Ojis qalbim yolg'onlardan,
To'yib-to'yib qonlar yutdi.
Soxta sevgi, yomonlardan,
Nafrat kelib, ishonch ketdi.

Su'ratingga boqib uzoq,
Alamdan jim termulaman.
Avval avrab qo'ydin tuzoq,
Aqlim yetmay lol qolaman.

Yana qayg'u, dardli iztirob,
Aylanadi tinmayin takror.
Ey yuragim, hammasi sarob,
Bag'rin tilib chekmagin ozor.

Yusupova Zulfiya.