Popup

Главная » SEVGI ROMANTIKA HAQIDA SHERLAR SMS » Yig'lama Lily

Yig'lama Lily

Yig'lama Lily
Boqsam ko'zlaringga , bunchalar dardli,
Kimni deb yosh to'kding? Gul ko'ngling gardli,
Dardingni ololsam edi oyyuzlim,
Ko'z yosh to'kmasayding, bo'lsayding baxtli.

Tabassum yarashar senga naqadar,
Ko'zlaring dunyomi, ko'zlaring qadar?
Bu olam shundayin g'irromchi , bilsang,
Senga arzimaydi o'sha darbadar.

Qara, o'xshab qolding, yomg'irli kuzga,
Ichikib yashama yuragi muzga,
Bu kuzlar aylanar, o'tkinchi bari,
Vaqt o'tib, hammasi tushajak izga.

Borliqning eng nafis chechagisan sen,
Kimgadir erta yo kechagisan sen,
Ko'ksim qalqon degan, mardlar bisyordir,
Ne-ne oshiqlarning keragisan sen.

Faqat, mahzun bo'lma, sira o'kinma,
Yarimta ko'nglimdek darz ketma, sinma,
Xudoning atagan bahorlari bor,
Kuzgi xazonlardek erta to'kilma.

Faqat sen yig'lama, yig'lama Lily...

Abdumutalib Ergashaliyev



«Yig'lama Lily»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]