Главная » SEVGI ROMANTIKA HAQIDA SHERLAR SMS » Yig'lasam maylimi

Yig'lasam maylimi

Yig'lasam maylimi
Yuragim azoblar oʻyib ketganda,
Taqdir ustimdan hoʻp kulib ketganda,
Soʻz kelmay koʻzga yosh toʻlib ketganda,
Yigʻlasam maylimi,toʻyib yigʻlasam?!

Yupatmang! Bir kunga meni tinch qoʻying,
Sizni ham yigʻlatmay, narirogʻ turing,
Hohlasanggiz mayli ustimdan kuling,
Yigʻlasam maylimi toʻyib yigʻlasam?!

Sabrimning kosasi toʻlib, toshganda,
Ba'zilar oʻylamay haddan oshganda,
Koʻzlarim mavjlanib, oqib, shoshganda,
Yigʻlasam maylimi toʻyib yigʻlasam?!

Sirtimda kulishdan charchadim doʻstlar!
Bahtlidek yurishdan charchadim doʻstlar,
Indamang bir kunga mavjlansin koʻzlar,
Yigʻlasam maylimi toʻyib yigʻlasam?!

Erta tong sahardan kulib uygʻonib,
Yuraman yolgʻondan baxtdan quvonib,
Bu tunga iltimos, soʻray yolvorib,
Yigʻlasam maylimi toʻyib yigʻlasam?!

Dildagi dardlarim bilmaysiz sizlar,
Aytsam yonginamda qolmaysiz sizlar,
Nega yigʻlashimga qoʻymaysiz sizlar?
Yigʻlasam maylimi toʻyib yigʻlasam?!

Mumtozbegim



«Yig'lasam maylimi»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]