TAVALLUDING AYYOMING MUBORAK!

Senga tilagim keldi eng yaxshi tilak,
Senga faqat yaxshilik sog'inar yurak.
Agar bilsang sen bugun, shundayin yorug' kun,
Tavalluding muborak, tavalluding muborak!

Doimo baxting butun, bo'lsin, ey do'stim ,
Yaxshi-yomon kuningda hamrohman o'zim,
Qalbinggacha yetsin shu, dildagi so'zim,
Tavalluding muborak, tavalluding muborak!

Yuragingdan quvnagil sen bunday vaqtda,
Unut dardu alaming, sen shunday farahda,
Quy ishqning mayidan billur qadahda,
Tavalluding muborak, tavalluding muborak!

Labingda kulgu bormi, bu baxtdan darak,
Ertanggi kunga ishonch va shaxddan darak.
Bundayin paytda faqat orzular qilmoq kerak,
Tavalluding muborak, tavalluding muborak!

Ko'kda oy va yulduzlar biz tomon boqadir,
Shu lahzada dilga kuy vanavo oqadir.
Eng shirin tilaklar Ahaddan sovg'adir,
Tavalluding muborak, tavalluding muborak!