Главная » YANGI SHERLAR » Bag'ishlov

Bag'ishlov

Бағишлов
(Эҳтиром билан янгамиз Гулнорага)

Муҳаббатнинг кошонаси соф метиндан қаср экан,
Чин ошиқлар машҳаргача бу қасрда асир экан,
Машаққатдан қўрқмас улар, шер мисоли жасур экан
Эрим ёмон деганлар келиб сизга салом берсин!.

Кўзингизга тикилганда тоғлардайин сабр курдим,
Таъриф билмас бир бебаҳо ўз ёрига қадр курдим,
Эгилмаган садоқатни айнан бугун дадил курдим,
Эрим ёмон деганлар келиб сизни бир бор курсин!.

Жажжигина жуссангизда гард текмаган матонат бор,
Минг ташвишли қалбингизда дард кетмаган хаёлот бор,
Ғанимларнинг қўли етмас илоҳий бир мурруват бор,
Эрим ёмон деганлар келиб сизга салом берсин!.

Ғам келганда билинаркан жуфти ҳалол ким экани,
Дард келганда билинаркан жуфти ҳалол ким экани,
Кетар чоғи билинаркан жуфти ҳалол ким эканин,
Эрим ёмон деганлар келиб сизга салом берсин!.

Давраларда кукрак керган акам менинг сиз туфайли,
Маҳаллада обруй олган акам менинг сиз туфайли,
Шунча дардни енган акам енган бўлса сиз туфайли,
Эрим ёмон деганлар келиб сизга салом берсин!.

Меҳрингиздан, порлоқ қўёш ўз рашкидан ойдай бўлди
Сеҳрингиздан, фарзандларнинг ярим кунгли яна тўлди
Ўз ёрига чин муҳаббат, келган элга ибрат бўлди
Эрим ёмон деганлар келиб сизга салом берсин!.

Бўлса агар гуноҳингиз мен Оллоҳга утинаман,
Сизсиз ВАФО маъбудаси энди сизга сиғинаман,
Жаннатдадур менинг акам буни фақат мен биламан,
Эрим ёмон деганлар келиб сизга таъзим қилсин!.

Кимдур кулиб лаб бурсада Сокин сўзим, қайтмагайман
Қаршингизда бош эгаман, босган изим артмагайман
Эътиқодим қолур мангу, эҳтиромим сотмагайман
Эрим ёмон деганлар шу шеъримни ўқиб курсин!



«Bag'ishlov»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]