Popup

Главная » YANGI SHERLAR » BIR MENDA

BIR MENDA

BIR MENDA
Bir menda ikkita ruh yashar yo Rab,
Biri qasam ichgan sendan kechishga.
Biri yashayapti yo‘lingni qarab,
Kelmasang, tayyordir og‘u ichishga.

Biri unutmoqlik chorasin izlab,
Galma-gal o‘chirar o‘tmish yodini.
Bittasi beorom visoling ko‘zlab,
Diydorga tikadi bor hayotini.

Biri yuragimga beradi buyruq,
"Kech!", " Unut! ", " O‘ylama! " "Hammasi tamom".
Oh, birining sabri bamisli quduq,
Eng go‘zal umid-la kutadi hamon.

Ikkisi ikki yon tortqilar meni,
Tokay yashab bo‘lar og‘ular ichib.
O‘zing ayt, azobda sevaymi seni,
Yo butkul unutay o‘zimdan kechib?

Bir menda ikkita ruh yashar yo Rab?

Dilobar Uralova



«BIR MENDA»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]