Bu dunyo

Yo‘qchilik to‘qchilik barisi xudodan
O‘zingni qo‘lga ol tiyilgin zinodan
Duoni ko‘p olgin yashnaysan duodan
O‘zingdan ketmagan o‘tkinchi bu dunyo

Zo‘rman deya o‘zin osmon bilganlar
Nochor ojizlarga toshlar otganlar
Nafsiga qul bo‘lib oxiratin unitganlar
Teskari aylanar bir kuni bu dunyo

Ko‘rdik zo‘rlarini ne bo‘lganini
Osmondan qaro yerga qaytganini
Bu dunyo qiladi o‘z aytganini
Yaxshiga yomonga bir asli dunyo

Kambag‘alga bir kun davlat berarkan
Boylik berib qo‘yib nafsin sinarkan
O‘zidan ketganni tez yiqitarkan
Sinovli sinovli ekanda bu dunyo

U dunyoda faqat savoblar qolar
Qilgan ibodatu ehsonlar qolar
Gunohlar ko‘p bo‘lsa do‘zahda yonar
Kengga keng torga tor bu dunyo bu dunyo

Muallif: Abdulla Murodulla