Charos ismli qiz uchun atalgan she'r

Charosim hammadan go'zalsan,
Shirinsan, shakarsan, asalsan,
Sevgiga bitilgan g'azalsan,
Kuzda tug'ilgan charosim.

Komating navbahor niholi,
Yuzlaring gullarning jamoli,
Lablaring gul g'uncha misoli.
Kuzda tug'ilgan charosim.

Termulib to'ymayman yuzingga,
Aslo ko'z tegmasin ko'zingga,
Erkalik yarashgan o'zingga,
Kuzda tug'ilgan charosim.

Kulishing o't yoqar jonimga,
Tug'yonlar sig'maydi qonimga,
Bir nafas o'ltirgin yonimga,
Kuzda tug'ilgan charosim.