Dunyo go‘zal ne‘matlari bor
Hasislarning minnatlar bor
Osmonlarda nur sochgan oyning
Yuzlarida dogʻlari ham bor

Dunyo o‘zi shunday yaralgan
Har bandaning nuqsonlari bor
Odamlarni yo‘ldan urguvchi
Ichlarida shaytonlari bor

Har kimga ham kelmaydi omad
Og‘ir botar dilga goh so‘zlar
Ulg‘ayganda har bir yigitga
Nasib etsin soliha qizlar

Yigit boshi egilmasin hech
Orzu niyat maqsadga yitsin
Ishdan charchab kelganda uyga
Yori shirin taomla kutsin
Vaqti kelib ota onasin
Hoji qilish nasiblar etsin

Muallif:Abdulla Murodulla