Popup

Главная » YANGI SHERLAR » Har tong meni uyg'otding qayta

Har tong meni uyg'otding qayta

Har tong meni uyg'otding qayta
Ҳар тонг мени уйғотдинг қайта,
Бундан ортиқ бахт бордир қайда!?
Яратганга санолар айта,
Сени яхши кўраман ҳаёт!

Умрим яшил боғлиги учун,
Доим вақтим чоғлиги учун.
Тўртта мучам соғлиги учун,
Сени яхши кўраман ҳаёт!

Гоҳ дард бердинг, гоҳида қувонч,
Гоҳ панд едим, гоҳида ишонч.
Қўлларимни дуоларга оч,
Сени яхши кўраман ҳаёт!

Аллоҳ ўзи қилса ҳимоят,
Имонлар соғ, бўлса ҳидоят.
Шукрларим қилмай ниҳоя,
Сени яхши кўраман ҳаёт !

Топилади ризқим ҳам тузим,
Ёнимдадур ўғилу-қизим.
Ёруғ олам кўрмоқда кўзим,
Сени яхши кўраман ҳаёт !

Яқинларим саломат бўлса,
Гарчи жоним омонат бўлса.
Яхшиликлар тумонат бўлса,
Сени яхши кўраман ҳаёт !

Ёруғликка бошлаб маёғим,
Оппоқ рангга тўлса бўёғим.
Ерни босиб турса оёғим,
Сени яхши кўраман ҳаёт !

Қандай севмай, яйрамай нечун,
Қушларнинг шўх нағмаси учун.
Ҳамма, ҳамма, ҳаммаси учун,
Сени яхши кўраман ҳаёт !

Дилобар Уролова



«Har tong meni uyg'otding qayta»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]