Popup

Главная » YANGI SHERLAR » Imkonsiz

Imkonsiz

Imkonsiz
Qismat o‘ch oldimi, bag‘rim dog‘ etib,
Ko‘rsatdi javobsiz sevishning kuchin.
Tugab borayapman, madorim ketib,
Bir kulib qo‘y, yashab ketishim uchun.

Mayli muhabbating dilga bersin zeb
Mayli xijroningda chekay iztirob.
Mehringni qizg‘onma, qiynalmasin deb,
Menga sog‘inch rohat, ishqsizlik azob.

Kutishdan charchasam hayotdan to‘ysam,
Isming bo‘lsa kerak so‘nggi so‘zim ham.
Biror kun kel deya chorlamay qo‘ysam,
Bilginki dunyoda yo‘qman o‘zim ham.

Shunda ham tugamas sevgi dostonim,
Hayollaring ichra yuraveraman.
Qo‘llab eng oxirgi yolg‘iz imkonim,
Har kuni tushingga kiraveraman.

Shahnoza Ro‘ziyeva



«Imkonsiz»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]