Главная » YANGI SHERLAR » Kechikdim

Kechikdim

Тушларимда қўлингни тутар қўлим,
Таъбирини ўйлаб ёмон ичикдим.
Мени узоқ кутган эдинг севгилим,
Афсусдаман, йигирма йил кечикдим.

Номуносиб ҳамроҳлардан безганда,
Сарсонликда ҳар кўчани кезганда,
Топдим дия ўзим бахтли сезганда,
Олисдаман, йигирма йил кечикдим.

Ухламоқни севар эдим азалдан,
Не топардинг, хунуккина гўзалдан,
Энди нажот излаб шеъру ғазалдан,
Девонаман, йигирма йил кечикдим.

Яхшиман деб чалғитдилар ёмонлар,
Узатдилар гул ёзуғлик хазонлар,
Олиб отсам, сачрадилар тиконлар,
Азобдаман, йигирма йил кечикдим.

Нега мени изламадинг эртароқ,
Учратмасам бўлармиди яхшироқ,
То қиёмат ҳамроҳим энди фироқ,
Дўзахдаман, йигирма йил кечикдим.

ШАҲНОЗА РЎЗИЕВА



«Kechikdim»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]