Kumushga

Men Kumushni yomon ko‘raman!
Guldan go‘zal suluv bo‘lsa ham.
Tushunsamda iztiroblarin,
Kiprimga kelmas zarra nam.

Anglamayman goho maqsadin,
Unda yo‘qmi rashk degan tuyg‘u?
Otabek va aybsiz Zaynabning
Kulfatlarin sababchisi u.

U men uchun qaxramon emas,
O‘zbekning bir ilojsiz qizi.
Bo‘lar hatto jonivorlarda
O‘z juftini qizg‘anish hissi.

Bo‘lsa hamki yetarli aqli
O‘tolmadi odamday yashab.
Kuydirgancha ota onasin,
O‘lib ketdi nomardga o‘xshab.

Bo‘lmasmidi og‘ir fojea,
Vazifasin anglab yetganda.
Eshitiboq kundosh xabarin,
Yor uyiga jo‘nab ketganda.

Xon qaxridan qo‘rqmagan ayol
O‘z ertasin g‘amin yemadi.
"Men rozi" deb shivirladiyu,
"Olib keting, begim" demadi.

Shirin yoki Ra’no deng mayli,
Uning ismin qo‘ymang qizlarga.
Ko‘nuvchanlik va qurbonlikda
Yaqqol o‘rnak bo‘lgan bizlarga...

SHAHNOZA RO‘ZIYeVA