Popup

Главная » YANGI SHERLAR » Necha yilki

Necha yilki

Necha yilki
Necha yilki, yoqam kir ko'rmagandi.
Sendan o'zga holim bir so'rmagandi.
O'z ota uyingdan uchib ketishing,
Hattoki, tushimga ham kirmagandi.

Kunlar o'tdi oylar, ortidan yillar.
Ulg'aydi bolalik, ulg'aydi dillar.
Balog'at yoshiga yetibmiz ammo,
Yarmida ikkiga bo'lindi yo'llar.

Shunchaki ketyabsan bag'rimdan uchib,
Yoringni bag'riga ohista ko'chib,
Seni uch-to'rt kungga, yo'qotyapman-ku,
Lekin turolmadim, ko'zyoshim tutib,

Gullarga to'ldirgin borar joyingni,
Shunda farishtalar o'par poyingni,
Kelinlik uyingda baxtli bo'l, ammo,
Unutib qo'ymagin ota uyingni!

Eng so'ngi tilagim ko'zlaring kulsin.
Har bosgan qadaming nurlarga to'lsin.
Hoy singlim! Jon singlim!, Allohim senga,
Bir-biridan shirin farzandlar bersin!

Muallif: Bekzod Sulton



«Necha yilki»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]