Popup

Главная » YANGI SHERLAR » O'lsam

O'lsam

O'lsam
O'lsam
Eslab qo'ying bir kunda bir bor,
Qabrimda quvonib yotay hech yo'g'i.
Yig'lamang, jonsiz tan chekmasin ozor,
Kuydirmasin deyman ko'zyoshning cho'g'i.

O'lsam, yaxshiligim dunyoga yoʻying,
Siz tufayli hamma bilsin qadrimni.
Tanish-bilishlarni ko'nglini oling,
Berkiting iltimos hamma aybimni.

O'lsam ruhim kezar yerda, samoda,
Sizni yo'qlagani kelib turaman.
Yuzingiz silayman suvda, havoda,
Tushingizda shirin suhbat quraman.

O'lib ketsam agar she'rlarim tinglang,
Qaysidir birida haqiqati ko'p.
Siz mendayin lekin rutubat bilmang,
Bilaman she'rimda dardlarim to'p- to'p

O'lib ketsam, agar farzandlarimni,
Sal tergab turinglar bebosh bo'lmasin.
Yodiga soling siz aytganlarimni,
Yuragi nafratga to'lib o'smasin.

O'lsam, sizdan yana bitta o'tinchim,
Qabrimga har-harda rayhon keltiring.
Balki shu qabrda toparman tinchim,
Pichirlab bo'lsa ham yodimdasan deng!

Azalbegim



«O'lsam»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]