Popup

Главная » YANGI SHERLAR » Ohu misol ko'zlari, Farg‘onamning qizlari

Ohu misol ko'zlari, Farg‘onamning qizlari

Ohu misol ko'zlari, Farg‘onamning qizlari
Ohu misol ko‘zlari,
Boldan shirin so‘zlari.
Noz - ibosi yarashgan,
Farg‘onamning qizlari.

Uyalib boqishlari,
Dilga o‘t yoqishlari.
Go‘zal qosh qoqishlari,
Farg‘onamning qizlari.

Xush kalomu, odati,
Oy uyalar tal’ati.
Yaratganning san’ati,
Farg‘onamning qizlari.

Ham ibo, ham hayoli,
Pok, beg‘ubor xayoli.
Ilmu odob, ziyoli,
Farg‘onamning qizlari.

Mehnat qilib, tolishmas,
Dilga hasrat solishmas.
Yigitlardan qolishmas,
Farg‘onamning qizlari.

Sochiga yel parvona,
Ko‘rgan qolur, hayrona.
Nigorayu, Durdona,
Farg‘onamning qizlari.

Chetda qoldi, g‘urur, kek,
Yondim misli olovdek.
Sizga shaydo Sherzodbek,
Farg‘onamning qizlari.
Farg‘onamning qizlari...

Sherzod Komil



«Ohu misol ko'zlari, Farg‘onamning qizlari»


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]