Qish kelganin bilmay qolibman

Bola-chaqa yumushdan ortmay,
Ro'zg'or g'orni tagiga yetmay,
Tashvishlardan nariga ketmay,
Bir zumgina atrofga boqib,
Qish kelganin bilmay qolibman.

Quzg'un bo'ron qishni daraklab,
Sovuq zirxi nafasin yo'qlab,
Olislardan yashirin bo'zlab.
Bir zumgina atrofga boqib,
Qish kelganin bilmay qolibman,

Oppoq qorlar boshimni silar,
Bir ajib xis dilni turtkilar,
Jim borliqni o'ynoqqa solar,
Bir zumgina atrofga boqib,
Qish kelganin bilmay qolibman.

Archa isi xar yon taralar,
Sumalakni quyosh saralar,
Mo'ri tutun osmon bo'ralar,
Bir zumgina atrofga boqib,
Qish kelganin bilmay qolibman.

ZULFIYA