Yo'qotdim (2018)

Ko‘zim nursiz, dil yorsiz,
Dildorimni yo‘qotdim.
Ko‘ngil ichra mehmon kuz,
Bahorimni yo‘qotdim.

Yo‘qotdim suyganimni,
Kim bilar kuyganimni,
So‘ngi yo‘q tunlarimni,
Qarorimni yo‘qotdim.

Seni o‘ylab bedorman,
Xastadirman, bemorman,
Netay sevgingga zorman,
Xayolimni yo‘qotdim.

Boqmading sen dil yorsam,
Qalbing kimda deb so‘rsam,
Yoningga har kun borsam,
Savolimni yo‘qotdim.

Ahad, sevmoq oson-u,
O‘rgangin unutmoqni,
Netay, do‘stlar men jon-u,
Jahonimni yo‘qotdim.

Ko‘zim nursiz, dil yorsiz,
Dildorimni yuqotdim.
Ko‘ngil ichra mehmon kuz,
Bahorimni yo‘qotdim.