Bayon Guruhi haqida [Biografiya]

Bayon guruhi. Sultonov Ma'murjon va Muqumov Oybeklardan tashkil topgan Bayon guruhi 2010-yil tashkil topdi. Ma'murjon 1989-yil 16-mart kuni Navoiy shahrida tavallud topdi. Navoiy shahridagi 5-maktabni tamomlagandan so'ng Respublika Estrada–Sirk kollejining sozandachilik fakultetiga o'qishga kiradi. Kollejni tamomlagandan so'ng 2008-yilda Toshkent Davlat San’at institutining "Estrada va aktyorlik” fakultetiga o'qishga kiradi. Oybek esa 1989-yil 7-yanvar kuni Samarqand shahrida san'atkorlar oilasida tavallud topdi. San'atga kirib kelishi esa otasi Muqumov Qurbonbek "Sevinch" guruhining solisti bo'lganligi ta'sir o'tkazgan. Aynan otasi uni san'atga kirib kelishiga sabachi bo'ldi. Maktabni bitirgan so'ng Samarqand iqtisodiyot kollejining soliq bo'limini tamomlaydi. Xozirda esa "Ardjey Records" ovoz yozish studiyasida faoliyat olib bormoqda.
Ikki do'st 2010-yil fevral oyida Toshkent shahrida "New Star Media" markazi tomonidan o'tkazilgan kastingda g'olib chiqadilar va aynan shu kastingdan so'ng Bayon guruhi tashkil topadi. Ularning xit qo'shig'i "Sen ketma" qo'shig'idir. Xozirgi kungacha Bayon guruhining "Sen ketma", "Darbadar", "Bez tebya", "V oblakax" va "Bebosh" nomli qo'shiqlari hamda 2 kliplari bor. "Bez tebya" qo'shig'ining e'tiborli tarafi shundaki, bu qo'shiq MDH Davlatlarining 30dan ziyod radioto'lqinlarida "Yevropa plyus", "iter FM", "Lav" radiolarida efirga uzatiladi.
2011-yil so'ngiga kelib Bayon guruhi ijodkori Oybek guruhni tark etadi va yakka tarzda ijodini davom ettiradi. Ma'mur esa guruhda qolib, ijodni davom ettirmoqda.