10 gigabaytgacha bo‘lgan ma’lumotlarni boshqalar bilan oson bo‘lishish dasturi yaratildi

Yangi dastur Android operatsion tizimida ishlaydi va u WeTransfer deb nomlanadi. Uning yordamida 10 gigabaytgacha bo‘lgan ma’lumotlarni boshqalar bilan oson tarzda bo‘lishish mumkin. Bu haqda Phonearena.com sayti ma’lumotiga asoslanib “Parol” nashri xabar berdi.

 WeTransfer loyihasi internetda besh yildan beri mavjud va endilikda uning Android dasturi ham ishlab chiqilgan. Uning yordamida fayllar va suratlarni boshqalarga tez hamda oson jo‘natish mumkin.

 Dastur interfeysi chiroyli dizaynda va u orqali fayllarni tanlash ham qulay. Fayllar tanlab bo‘lingach, qabul qiluvchining E-mail manzili kiritiladi va fayllar jo‘natiladi. Qabul qiluvchiga WeTransfer serveridan fayllarni yuklab olish uchun link yuboriladi.

 WeTransfer dasturini Google Play’dan bepul yuklab olish mumkin.