XOTIRA: ShAHNOZABONU HAYoT BO`LGANIDA BUGUN 42 YoShNI QARShI OLGAN BO`LARDI
- Категории: Yangiliklar
- Название: XOTIRA: ShAHNOZABONU HAYoT BO`LGANIDA BUGUN 42 YoShNI QARShI OLGAN BO`LARDI
- Дата релиза: 14-07-17, 14:43
Xonanda Shahnozabonu hayot bo`lganida bugun tug`ilgan kunini nishonlayotgan bo`lar edi...
“Hech qachon taqdirga tan bermaganman, bermayman ham”
Shahnozabonu 1975 yilning 13 iyunida Toshkent shahrida ziyoli oilada tavallud topgan. Otasi Odil Azimov ustoz san`atkor, O`zbekiston xalq artisti Kamoliddin Rahimovning shogirdi, mohir changchi. Onasi Shoista Azimova hamshira, biroq o`zini oilaga bag`ishlab, farzandlar tarbiyasi bilan shug`ullanishni afzal bilgan.
Xonanda oilada uch qiz, ikki o`g`ilning to`ng`ichi edi. Shahnozabonuning san`atga bo`lgan qiziqishi va uni bu “olam”ga kirib kelishi tasodif emasdi. Bolaligidan ijod muhitida katta bo`lgan qizaloq kelajakda mashhur xonanda bo`lishini tasavvur etolmagan bo`lsa-da, ushbu “ummon”ga qo`shilib oqishni istardi. Bu orada bo`lajak xonanda hamma qizlar qatori bir olam orzu-umidlar bilan oila qurdi. Biroq orzulari sarob bo`lib chiqdi...
Lekin Shahnozabonu “Hech qachon taqdirga tan bermaganman, bermayman ham”, deya tosh kelsa kemirib, suv kelsa simirib yashagan. “Balki hayotda mendan ham ko`proq aziyat chekkanlar bordir, bilmadim. Hammaning o`ziga yarasha dard-u quvonchlari bo`ladi. Meniki ham o`zimga etarli... Ayrim sabablarga ko`ra, to`ng`ichim - o`g`lim ikki kungina yashab, olamdan o`tgan. Eslasam, ko`zimga yosh kelaveradi. Vaqt o`tib, 1996 yil yana homilador bo`ldim. Ishonsangiz, Yulduz Usmonovaning “Kechalari paypaslayman, beshiging yo`q”, misrali qo`shig`ini eshitib, “Bu safar bolam bag`rimda qolarmikan?” deb yig`lab o`tirardim. Rahmatli onam ham menga qo`shilib ko`zyosh to`kardilar. Hattoki, ko`zim yoriyotganida, “Yo`q tug`mayman, bolam ichimda yashasin, bu gal ham o`lib qolsa-chi?” deb qo`rqqanman. Qizimni boqish uchun buyurtmaga, uyda shirinliklarpishirardim”, deya ko`ngil mulki bilan bo`lishgandi suhbatlarimizdan birida.
Xonanda o`g`il ko`rsa, ismini birinchi farzandining nomi bilan Azizjon, deb qo`yishni niyat qilgandi. Biroq boshidan o`tkazgan og`ir operasiya asorati sabab, niyati amalga oshmadi. “Balki qirq yoshimda tug`arman”, deb kulib qo`yardi doim.
“Peshonadan ortig`i bo`lmas ekan...”
Shaxsiy hayotdan topilmagan baxt Shahnozabonuni ijod bilan jiddiy shug`ullanib, ma`lum marralarga erishishga undagan bo`lsa ajabmas. Bo`lajak xonanda bolalik orzularini amalga oshirish maqsadida hozirgi O`zbekiston Davlat san`at va madaniyat institutida tahsil olgan.
Shahnozabonu “Yoshligimdan qo`shiq kuylash jon-u dilim bo`lgan. Kutilmaganda qizimning otasi “Xonandalikda o`zingni sinab ko`r, qo`shimcha daromad bo`ladi”, deganida jahlim chiqqandi. Lekin o`shanda yaqin tanishlarimning to`ylariga chiqib, mashhur xonandalarningqo`shiqlarini kuylab yurganman. 1998 yil shahar bo`yicha “Eng ibratli kelin” mukofotiga sazovor bo`lganimda, Erkin Vohidovning “Devona ko`ngil” she`rini qo`shiq qilib, shu tanlovda kuylagandim”, degandi u san`atga kirib kelgan damlarini xotirlab.
2000 yil Shahnozabonuning hayotida tub burilish yasaydi. Uning “Qizalog`im”, “Qizg`onaman”, “Do`st”, kabi bir qator qo`shiqlari muxlislar ko`nglidan chuqur joy egallab, sekin-asta mashhurlik pillapoyalaridan ko`tarila boshladi. 2002-2003-2004 yillar “Zarafshon” konsert zalida, keyin O`zbek davlat sirkidaham konsert berdi.
Xonanda o`zi orzu qilgan konsertni esa 2005 yili “Istiqlol” san`at saroyida taqdim etgan. 19ta sozanda jo`rligida muxlislarni jonli ijro bilan xushnud etgandi. “Sozandalarimning birortasida “falsh” nota bo`lmagan, lekin menda sezilgan bo`lishi mumkin. Biroq buni ayb, deb hisoblamayman. To`g`ri, jonli ijrodagi konsertim a`lo darajada o`tgan, deyolmayman. Ammo ko`nglim taskin topgan, tomoshabinlar iliq qarshi olishganidan boshim osmonda edi. Shunday so`ng tobim qochib, ma`lum muddat san`atda ko`rinmay qolganman”, deya eski xotiralarini bot-bot eslardi.
O`sha yili xonanda appendisit tashxisi bilanshifoxonaga yotadi. Operasiya muvaffaqiyatsiz chiqqani bois, ketma-ket dardga chalinaveradi. Xastaliklarni engib, oyoqqa turganida esa hayot xonandani yana kutilmagan og`ir sinovi bilan sinaydi. “Onamni yo`qotdim, ijodimda yana uzilish bo`ldi. Buning uchun kuyinmayman. Chunki peshonaga yozganidan ortig`i bo`lmas ekan”, deya taqdir zarbalarini mardonavor qarshi olardi.
Biroq suyangan tog`laridan birini yo`qotish yurakni qanday kemirishini tasavvur qilish qiyin emas. Xonanda “Onam hayot bo`lganida ostona xatlab ko`chaga chiqishimdan oldin “Onajon, duo qiling”, derdim... Bu yo`qotishdan keyin studiyada qo`shiq kuylolmay qaytib chiqdim. Bo`g`zimga nimadir tiqilib qolaverardi. Hozircha qo`shiq kuylashga tayyor emas ekanman. O`zimda etarlicha kuch topolmayapman. Oxirgi damlarda onamning yonida bo`lolmadim. “Bolam, ishingdan qolma, o`zim aytganimda kelasan”, derdilar. O`sha vaqt yoz oylari edi, ayni ishim qizg`in palla. Mutlaqo kutilmaganda onamdan ayrilib qoldim. O`shanda “Yor qo`ynida bo`lgan kunim, onam qadrin nechun bilmadim” qo`shig`ini bir kunda o`n besh marta eshitganman. Haqiqatda g`aflatda yuravergan ekanman. Otam har kuni “Ijodga qayt, yig`lama, juda ko`p kuyinyapsan, derdilar. Ammo o`zimga kelishim qiyin bo`lyapti”, degandi Shahnozabonu.
Xonanda sira “Qaysidir qo`shig`im bilan porlab chiqaman”, demasdi. Karvon ko`p, rizqi bo`lakligini yaxshi bilardi-da. Qolaversa, o`zini boshqalar bilan taqqoslashni istamasdi.
Taqdir xonandaga deyarli har qadamda sinov yuborardi. 2009 yili Qashqadaryodagi xizmatdan qaytayotganida avtohalokatga uchrab, burnini sindirgandi... Lekin sira sog`ligidan shikoyat qilib, yotib qolgan emas. Xonanda bilan so`nggi bor suhbatlashganimizda “Umrning tez o`tishi haqida o`ylayapman. Imkon qadar hamma narsaning qadriga etishga harakat qilaman. Ammo ortga qaraganda, nima yo kimningdir qadriga etolmaganingni ko`rarkansan, kishi. Onamni yo`qotganimdan so`ng odam bir-biriga g`animatligini yanada ko`proq his qila boshladim. Ayni paytda qalbimda shu hissiyot ustunlik qilyapti. Nafaqat yaqinlarim, balki doim menga yomonlikni ravo ko`radigan odamlarning ham qadriga etishni o`rgandim. Axir bu o`tkinchi dunyo! Aslida har bir kunimiz katta dars ekan”, degandi...
“Shivalab yog`ayotgan yomg`irni ko`rgim kelyapti”
Xonanda bo`ynidagi og`riq sabab, shifokorga uchraydi. Umurtqa pog`onasining bo`yin sohasida o`simta borligi ma`lum bo`lgach va og`riq to`xtamagani, aksincha kuchaygani bois xonanda 13 fevralda o`simtani jarroxlik yo`li bilan olib tashlashga qaror qiladi. Jarroxlik muvaffaqiyatli o`tgan, biroq shifokorlar qaltis harakatlanish va ortiqcha urinishni taqiqlashgan. Ahvoli yaxshilanayotganini ko`rgan shifokorlar bir haftadan so`ng uyiga ruxsat berishadi. Bir gal xonandaning uyiga ko`rik o`tkazishga kelgan shifokor ijobiy o`zgarishlar borligini aytadi. Shahnozabonuning qizi Umida shifokorni kuzatib qaytsa, onasi deyarli hushsiz axvolda bo`ladi. Qizi nima bo`lganini so`raganida, xonanda “Boshim aylanib ketdi, shunga yotib oldim”, deya javob qaytaradi.
Oradan vaqt o`tib, Shahnozabonu ota uyiga boradi. U erda ham shifokorlar xonandaning ahvolidan xabardor bo`lib turishgan va ko`p harakatlanmaslikni tayinlashgan. Xonanda yomg`irni yaxshi ko`rgani bois oxirgi paytlarda “Shivalab yog`ayotgan yomg`irni ko`rgim kelyapti...”, deyavergan. Niyati xolis ekan, osmon uning uchun so`nggiyomg`irini qizg`onmadi. Xonanda yomg`irga talpinib, tez-tez yura boshlagan va o`tirib qolgan... 14 mart soat 9:45da Shahnozabonu dunyodan ko`z yumdi. O`sha kuni ham yomg`ir tinmay yog`di...
“Umidani eru-ko`kka ishonmasdi”
Ra`no Yarasheva, O`zbekistonda xizmat ko`rsatgan artist, Shahnozabonuning qudasi: — Shahnozabonu bilan 1997 yilda tanishganmiz. Yodimda o`g`limni uylantirish taraddudida yurgan vaqtim, Shahnozadan yaxshi qizlar bo`lsa tavsiya qilishini so`radim. Amakilarining qizi borligini aytdi. San`atkorlar oilasidan kelin qilishni istaganim bois, Shahnozaning singlisiga og`iz soldim. Taqdir ekan, o`g`limga Shahnozabonuning singlisini kelin qildik. Singlisini ota-onasiga tirgak bo`lib, hech kimdan kam qilmay uzatdi. Shuncha yil quda-andachilik qilgan bo`lsak, sira sen-menga borgan emasmiz. Bu Shahnozabonuning odamgarchiligidan. Kutilmaganda barchamizni g`aflatda qoldirib ketdi. Ortidan bo`zlab qolgan qizini o`ylasam, yuragim ezilyapti. Umidani eru-ko`kka ishonmasdi... Allohning irodasi ekan...
“Oramizda yo`qligiga ishonolmayapmiz”
Madina Mumtoz, xonanda, aktrisa: — Shahnoza opani 9 yoshimdan buyon taniyman. O`shanda onamning tug`ilgan kuniga kelganida, qo`limdan tutib, jonli qo`shiq kuylagani yodimda. Juda bolajon edi. Qanday davrada bo`lmasin, jonli ijroda kuylashni yaxshi ko`rardi. Hamma bilan birdek muomala qilardi, hech kim bilan janjallashganini eshitmaganman. Ochig`i, oramizda yo`qligiga ishonolmayapmiz. Rasmlarini tomosha qilib o`tiribman-u, xuddi hamon tirikdek. O`ziga qarab yurishni yaxshi ko`rgani bois, betobligida emas, biroz oyoqqa turgach, ko`rgani boraman, deb niyat qilgandim... Hammamizga sabr bersin!
“Agar ko`ngil bog`ini yo`qotib qo`ysangiz, o`zligingizdan asar ham qolmaydi. Kimdir “Shahnozabonu o`zgarib ketgan”, deyishi mumkin. Ammo qalban o`sha-o`shaman va shaddod, quvnoqman. Keksaysam, qanday bo`larkinman, deb o`ylayman. Lekin o`sha paytda ham quyilishimga javob berolmayman”, degandi... Ha, Shahnozabonu muxlislari xotirasida quvnoq, qo`shiq va kliplaridagi kabi sho`x-shaddod qiyofasida, atrofidagilari uchun esa doim sertabassum, ko`ngli ochiq, mehmondo`st inson sifatida saqlanib qoladi. Shunday og`ir damda xonandaning oila-a`zolari va yaqinlariga tahririyatimiz va muxlislari nomidan chuqur hamdardlik bildiramiz.
Farzand dog`i, yaqinlarni yo`qotish azobi og`ir ekani bois Shahnozabonuning otasi, qizi, singillari va ukalarini bezovta qilishni istamadik...
Sadoqat ALLABERGANOVA tayyorladi
“Hech qachon taqdirga tan bermaganman, bermayman ham”
Shahnozabonu 1975 yilning 13 iyunida Toshkent shahrida ziyoli oilada tavallud topgan. Otasi Odil Azimov ustoz san`atkor, O`zbekiston xalq artisti Kamoliddin Rahimovning shogirdi, mohir changchi. Onasi Shoista Azimova hamshira, biroq o`zini oilaga bag`ishlab, farzandlar tarbiyasi bilan shug`ullanishni afzal bilgan.
Xonanda oilada uch qiz, ikki o`g`ilning to`ng`ichi edi. Shahnozabonuning san`atga bo`lgan qiziqishi va uni bu “olam”ga kirib kelishi tasodif emasdi. Bolaligidan ijod muhitida katta bo`lgan qizaloq kelajakda mashhur xonanda bo`lishini tasavvur etolmagan bo`lsa-da, ushbu “ummon”ga qo`shilib oqishni istardi. Bu orada bo`lajak xonanda hamma qizlar qatori bir olam orzu-umidlar bilan oila qurdi. Biroq orzulari sarob bo`lib chiqdi...
Lekin Shahnozabonu “Hech qachon taqdirga tan bermaganman, bermayman ham”, deya tosh kelsa kemirib, suv kelsa simirib yashagan. “Balki hayotda mendan ham ko`proq aziyat chekkanlar bordir, bilmadim. Hammaning o`ziga yarasha dard-u quvonchlari bo`ladi. Meniki ham o`zimga etarli... Ayrim sabablarga ko`ra, to`ng`ichim - o`g`lim ikki kungina yashab, olamdan o`tgan. Eslasam, ko`zimga yosh kelaveradi. Vaqt o`tib, 1996 yil yana homilador bo`ldim. Ishonsangiz, Yulduz Usmonovaning “Kechalari paypaslayman, beshiging yo`q”, misrali qo`shig`ini eshitib, “Bu safar bolam bag`rimda qolarmikan?” deb yig`lab o`tirardim. Rahmatli onam ham menga qo`shilib ko`zyosh to`kardilar. Hattoki, ko`zim yoriyotganida, “Yo`q tug`mayman, bolam ichimda yashasin, bu gal ham o`lib qolsa-chi?” deb qo`rqqanman. Qizimni boqish uchun buyurtmaga, uyda shirinliklarpishirardim”, deya ko`ngil mulki bilan bo`lishgandi suhbatlarimizdan birida.
Xonanda o`g`il ko`rsa, ismini birinchi farzandining nomi bilan Azizjon, deb qo`yishni niyat qilgandi. Biroq boshidan o`tkazgan og`ir operasiya asorati sabab, niyati amalga oshmadi. “Balki qirq yoshimda tug`arman”, deb kulib qo`yardi doim.
“Peshonadan ortig`i bo`lmas ekan...”
Shaxsiy hayotdan topilmagan baxt Shahnozabonuni ijod bilan jiddiy shug`ullanib, ma`lum marralarga erishishga undagan bo`lsa ajabmas. Bo`lajak xonanda bolalik orzularini amalga oshirish maqsadida hozirgi O`zbekiston Davlat san`at va madaniyat institutida tahsil olgan.
Shahnozabonu “Yoshligimdan qo`shiq kuylash jon-u dilim bo`lgan. Kutilmaganda qizimning otasi “Xonandalikda o`zingni sinab ko`r, qo`shimcha daromad bo`ladi”, deganida jahlim chiqqandi. Lekin o`shanda yaqin tanishlarimning to`ylariga chiqib, mashhur xonandalarningqo`shiqlarini kuylab yurganman. 1998 yil shahar bo`yicha “Eng ibratli kelin” mukofotiga sazovor bo`lganimda, Erkin Vohidovning “Devona ko`ngil” she`rini qo`shiq qilib, shu tanlovda kuylagandim”, degandi u san`atga kirib kelgan damlarini xotirlab.
2000 yil Shahnozabonuning hayotida tub burilish yasaydi. Uning “Qizalog`im”, “Qizg`onaman”, “Do`st”, kabi bir qator qo`shiqlari muxlislar ko`nglidan chuqur joy egallab, sekin-asta mashhurlik pillapoyalaridan ko`tarila boshladi. 2002-2003-2004 yillar “Zarafshon” konsert zalida, keyin O`zbek davlat sirkidaham konsert berdi.
Xonanda o`zi orzu qilgan konsertni esa 2005 yili “Istiqlol” san`at saroyida taqdim etgan. 19ta sozanda jo`rligida muxlislarni jonli ijro bilan xushnud etgandi. “Sozandalarimning birortasida “falsh” nota bo`lmagan, lekin menda sezilgan bo`lishi mumkin. Biroq buni ayb, deb hisoblamayman. To`g`ri, jonli ijrodagi konsertim a`lo darajada o`tgan, deyolmayman. Ammo ko`nglim taskin topgan, tomoshabinlar iliq qarshi olishganidan boshim osmonda edi. Shunday so`ng tobim qochib, ma`lum muddat san`atda ko`rinmay qolganman”, deya eski xotiralarini bot-bot eslardi.
O`sha yili xonanda appendisit tashxisi bilanshifoxonaga yotadi. Operasiya muvaffaqiyatsiz chiqqani bois, ketma-ket dardga chalinaveradi. Xastaliklarni engib, oyoqqa turganida esa hayot xonandani yana kutilmagan og`ir sinovi bilan sinaydi. “Onamni yo`qotdim, ijodimda yana uzilish bo`ldi. Buning uchun kuyinmayman. Chunki peshonaga yozganidan ortig`i bo`lmas ekan”, deya taqdir zarbalarini mardonavor qarshi olardi.
Biroq suyangan tog`laridan birini yo`qotish yurakni qanday kemirishini tasavvur qilish qiyin emas. Xonanda “Onam hayot bo`lganida ostona xatlab ko`chaga chiqishimdan oldin “Onajon, duo qiling”, derdim... Bu yo`qotishdan keyin studiyada qo`shiq kuylolmay qaytib chiqdim. Bo`g`zimga nimadir tiqilib qolaverardi. Hozircha qo`shiq kuylashga tayyor emas ekanman. O`zimda etarlicha kuch topolmayapman. Oxirgi damlarda onamning yonida bo`lolmadim. “Bolam, ishingdan qolma, o`zim aytganimda kelasan”, derdilar. O`sha vaqt yoz oylari edi, ayni ishim qizg`in palla. Mutlaqo kutilmaganda onamdan ayrilib qoldim. O`shanda “Yor qo`ynida bo`lgan kunim, onam qadrin nechun bilmadim” qo`shig`ini bir kunda o`n besh marta eshitganman. Haqiqatda g`aflatda yuravergan ekanman. Otam har kuni “Ijodga qayt, yig`lama, juda ko`p kuyinyapsan, derdilar. Ammo o`zimga kelishim qiyin bo`lyapti”, degandi Shahnozabonu.
Xonanda sira “Qaysidir qo`shig`im bilan porlab chiqaman”, demasdi. Karvon ko`p, rizqi bo`lakligini yaxshi bilardi-da. Qolaversa, o`zini boshqalar bilan taqqoslashni istamasdi.
Taqdir xonandaga deyarli har qadamda sinov yuborardi. 2009 yili Qashqadaryodagi xizmatdan qaytayotganida avtohalokatga uchrab, burnini sindirgandi... Lekin sira sog`ligidan shikoyat qilib, yotib qolgan emas. Xonanda bilan so`nggi bor suhbatlashganimizda “Umrning tez o`tishi haqida o`ylayapman. Imkon qadar hamma narsaning qadriga etishga harakat qilaman. Ammo ortga qaraganda, nima yo kimningdir qadriga etolmaganingni ko`rarkansan, kishi. Onamni yo`qotganimdan so`ng odam bir-biriga g`animatligini yanada ko`proq his qila boshladim. Ayni paytda qalbimda shu hissiyot ustunlik qilyapti. Nafaqat yaqinlarim, balki doim menga yomonlikni ravo ko`radigan odamlarning ham qadriga etishni o`rgandim. Axir bu o`tkinchi dunyo! Aslida har bir kunimiz katta dars ekan”, degandi...
“Shivalab yog`ayotgan yomg`irni ko`rgim kelyapti”
Xonanda bo`ynidagi og`riq sabab, shifokorga uchraydi. Umurtqa pog`onasining bo`yin sohasida o`simta borligi ma`lum bo`lgach va og`riq to`xtamagani, aksincha kuchaygani bois xonanda 13 fevralda o`simtani jarroxlik yo`li bilan olib tashlashga qaror qiladi. Jarroxlik muvaffaqiyatli o`tgan, biroq shifokorlar qaltis harakatlanish va ortiqcha urinishni taqiqlashgan. Ahvoli yaxshilanayotganini ko`rgan shifokorlar bir haftadan so`ng uyiga ruxsat berishadi. Bir gal xonandaning uyiga ko`rik o`tkazishga kelgan shifokor ijobiy o`zgarishlar borligini aytadi. Shahnozabonuning qizi Umida shifokorni kuzatib qaytsa, onasi deyarli hushsiz axvolda bo`ladi. Qizi nima bo`lganini so`raganida, xonanda “Boshim aylanib ketdi, shunga yotib oldim”, deya javob qaytaradi.
Oradan vaqt o`tib, Shahnozabonu ota uyiga boradi. U erda ham shifokorlar xonandaning ahvolidan xabardor bo`lib turishgan va ko`p harakatlanmaslikni tayinlashgan. Xonanda yomg`irni yaxshi ko`rgani bois oxirgi paytlarda “Shivalab yog`ayotgan yomg`irni ko`rgim kelyapti...”, deyavergan. Niyati xolis ekan, osmon uning uchun so`nggiyomg`irini qizg`onmadi. Xonanda yomg`irga talpinib, tez-tez yura boshlagan va o`tirib qolgan... 14 mart soat 9:45da Shahnozabonu dunyodan ko`z yumdi. O`sha kuni ham yomg`ir tinmay yog`di...
“Umidani eru-ko`kka ishonmasdi”
Ra`no Yarasheva, O`zbekistonda xizmat ko`rsatgan artist, Shahnozabonuning qudasi: — Shahnozabonu bilan 1997 yilda tanishganmiz. Yodimda o`g`limni uylantirish taraddudida yurgan vaqtim, Shahnozadan yaxshi qizlar bo`lsa tavsiya qilishini so`radim. Amakilarining qizi borligini aytdi. San`atkorlar oilasidan kelin qilishni istaganim bois, Shahnozaning singlisiga og`iz soldim. Taqdir ekan, o`g`limga Shahnozabonuning singlisini kelin qildik. Singlisini ota-onasiga tirgak bo`lib, hech kimdan kam qilmay uzatdi. Shuncha yil quda-andachilik qilgan bo`lsak, sira sen-menga borgan emasmiz. Bu Shahnozabonuning odamgarchiligidan. Kutilmaganda barchamizni g`aflatda qoldirib ketdi. Ortidan bo`zlab qolgan qizini o`ylasam, yuragim ezilyapti. Umidani eru-ko`kka ishonmasdi... Allohning irodasi ekan...
“Oramizda yo`qligiga ishonolmayapmiz”
Madina Mumtoz, xonanda, aktrisa: — Shahnoza opani 9 yoshimdan buyon taniyman. O`shanda onamning tug`ilgan kuniga kelganida, qo`limdan tutib, jonli qo`shiq kuylagani yodimda. Juda bolajon edi. Qanday davrada bo`lmasin, jonli ijroda kuylashni yaxshi ko`rardi. Hamma bilan birdek muomala qilardi, hech kim bilan janjallashganini eshitmaganman. Ochig`i, oramizda yo`qligiga ishonolmayapmiz. Rasmlarini tomosha qilib o`tiribman-u, xuddi hamon tirikdek. O`ziga qarab yurishni yaxshi ko`rgani bois, betobligida emas, biroz oyoqqa turgach, ko`rgani boraman, deb niyat qilgandim... Hammamizga sabr bersin!
“Agar ko`ngil bog`ini yo`qotib qo`ysangiz, o`zligingizdan asar ham qolmaydi. Kimdir “Shahnozabonu o`zgarib ketgan”, deyishi mumkin. Ammo qalban o`sha-o`shaman va shaddod, quvnoqman. Keksaysam, qanday bo`larkinman, deb o`ylayman. Lekin o`sha paytda ham quyilishimga javob berolmayman”, degandi... Ha, Shahnozabonu muxlislari xotirasida quvnoq, qo`shiq va kliplaridagi kabi sho`x-shaddod qiyofasida, atrofidagilari uchun esa doim sertabassum, ko`ngli ochiq, mehmondo`st inson sifatida saqlanib qoladi. Shunday og`ir damda xonandaning oila-a`zolari va yaqinlariga tahririyatimiz va muxlislari nomidan chuqur hamdardlik bildiramiz.
Farzand dog`i, yaqinlarni yo`qotish azobi og`ir ekani bois Shahnozabonuning otasi, qizi, singillari va ukalarini bezovta qilishni istamadik...
Sadoqat ALLABERGANOVA tayyorladi