22 kilogrammlik kartoshka yetishtirgan turkiyalik Ginnesning Rekordlar kitobiga kirmoqchi

Turkiya janubidagi Xatay provinsiyasida yashovchi Mitxat Fatmao‘g‘li 22 kilogrammlik kartoshka yetishtirdi, deya xabar bermoqda “RIA Novosti”. Endi u Ginnesning Rekordlar kitobiga ariza bermoqchi.

 “Uch oy avval shirali kartoshka ekkan edim, hosilni kavlab olishda esa biri 22 kilogrammlik, yana biri 8,5 kilogrammlik kartoshkalarni topdik”, — dedi pensioner.

 Bugungi kunda Ginnesning Rekordlar kitobiga rasman kiritilgan eng yirik kartoshka 3,73 kilogramm og‘irlikka teng. U Buyuk Britaniyada yashovchi bog‘bon Piter Glazebruk tomonidan yetishtirilgan.