23 сонияда суратга олинган клип интернетда хит бўлди(Видео)

Америкада фаолият юритувчи OK Go гуруҳининг янги клипи интернетда бир неча сониялар ичида хит даражасига кўтарилди. YouTube`га жойланган “The One Moment” деб номланган клип қисқа фурсат ичида саккиз миллион марта томоша қилинди.

Клипнинг ўзига хос жиҳати шундаки, унинг асосий қисми тўрт сонияда суратга олинган. Мусиқачиларнинг сўзларига кўра, мана шу вақт ичида экранда 318 та ҳодиса юз беради: 128 та шарнинг сувда портлаши, 23 та бўёқ банкасининг портлаши, 54 та рангли туз солинган ячейканинг портлаши ва бошқалар шулар жумласидан. Ҳар бир ҳодиса пасайтирилган тезлик билан намоён бўлади ва қўшиқ билан уйғунлашади.