Америкалик аёл таниқли супермоделга ўхшаш учун пластик операцияларга 15 минг доллар пул сарфлади

АҚШнинг Нью-Йорк штатида яшовчи аёл супермодель Белла Хадидга ўхшаш учун 15 минг доллардан ортиқроқ пул сарфлади. Бу ҳақда “Lenta.ru” хабар бермоқда. Менеджер бўлиб ишловчи 25 ёшли Банни Смит (Bunny Smith) ринопластика(бурун шаклини ўзгартириш), ияк шаклини ўзгартириш каби амалиётларни бошдан кечирди. У ботокс ва филлер каби муолажаларни қабул қилган. Эндиликда ижтимоий тармоқлар фойдаланувчилари, аёлнинг яқинлари ва дўстлари унинг америкалик супермоделга ўхшашини таъкидламоқда. “Мен шунчаки ташқи кўринишимни бироз тартибга солмоқчи эдим”, — дейди Банни. Банни иккинчи марта ўтказилган жарроҳлик амалиётидан сўнг кутилган натижага эришган.