Apple kompaniyasi LCD-displeyli arzon iPhone’ni yaratmoqda. U SE 2 bo‘lishi mumkin

Avvalroq Apple 2018-yilda uchta iPhone chiqarishi, ulardan ikkitasi OLED va bittasi LCD-displeyli bo‘lishi haqida xabar berilgan edi. Yaqinda arzon qurilma iPhone 7 va iPhone SE kabi metall korpusga ega bo‘lishi ma’lum bo‘ldi, deb yozadi Hi-Tech Mail.Ru.

Nikkei nashri kompaniya mahsulotlarini ishlab chiqish jarayoniga yaqin bo‘lgan manbasiga tayanib yozishicha, LCD-displeyli modelga 6,1 dyuymli ekran, OLED-displeyli ikkita modelga esa 5,8 va 6,2 yoki 6,3 dyuymli ekran o‘rnatiladi.

Metall orqa panelli arzon model mavjud alyuminiy iPhone’lar kabi bir necha xil ranglarda chiqariladi. Qurilmalar uchun korpuslarni Pegatron’ning sho‘basi — Casetek kompaniyasi yaratadi.
Manba: Daryo.uz