Apple yangi iPhone 6 va iPhone 6 Plus smartfonlarini rasman taqdim etdi

Apple kompaniyasi bugun, 9-sentabr kuni bo‘lib o‘tgan tadbirida yangi iPhone 6 gadjetlarini taqdim etdi. Bu haqda The Verge ma’lumotiga asoslanib “Parol” nashri xabar berdi.

 Avval taxmin qilinganidek, yangi iPhone’lar ikki xil o‘lchamli displeyda ishlab chiqariladi. Ulardan biri 4,7 dyuymli bo‘lib, u iPhone 6 deb nomlanadi. Ikkinchisi esa 5,5 dyuymli displeyga ega va u iPhone 6 Plus nomini oldi.

 Ikkala iPhone 6 ham shu paytgacha ishlab chiqarilgan iPhone’lardan katta displeyga ega. iPhone 6 smartfonining displeyi 38 foizga, iPhone 6 Plus planshetofonining displeyi esa 185 foizga iPhone 5s’ning displeyidan katta.

 Eslatib o‘tamiz, iPhone 5c nomini to‘g‘ri topgan manba iPhone 6 va iPhone 6 Plus nomlarini oldindan e’lon qilgan edi. Shuningdek, hali taqdim etilmagan iPhone 6 uchun oldindan navbatda turish boshlangan edi.