Asakadagi avtomobil zavodi, Toshkent xalqaro aeraporti va boshqa obyektlarga Islom Karimov nomi berildi

Ўзбекистоннинг Биринчи Президенти Ислом Каримовнинг номи қайси объектларга берилиши маълум бўлди.

Президент Шавкат Мирзиёев Ўзбекистоннинг Биринчи Президенти Ислом Абдуғаниевич Каримовнинг хотирасини абадийлаштириш тўғрисида Қарор имзолагани ҳақида хабар бергандик.

Қарорга кўра, қуйидаги муассаса ва объектларга Биринчи Президент Ислом Каримов номи берилиши топширилди:

Тошкент давлат техника университетига;

Асака шаҳридаги автомобиль заводига;

Фарғона шаҳридаги Санъат саройига;

Тошкент халқаро аэропортига;

Маҳаллий давлат ҳокимияти органлари таклифлари асосида Қорақалпоғистон Республикаси, Тошкент шаҳри ва вилоятлардаги марказий кўчаларга Ислом Каримов номи берилади.
Manba: Darakchi.uz