“Eldido”дан илк аудио альбом

Айни кунларда “Ҳей ёр” таронасини тайёр ҳолатга келтирган “ElDiDo” гуруҳи яқин кунлар ичида мазкур қўшиқни сайтимиз орқали эксклюзив тарзда премьера қилишни ваъда қилди.
Бундан ташқари, гуруҳ айни пайтда яна кўплаб янгиликларга қўл урганлигидан хабардор бўлдик. Айтишларига қараганда ҳозирда “ElDiDo” гуруҳи “Сени деб” номланган илк аудио альбомини мухлислари эътиборига тақдим этиш учун катта тайёргарлик қўрмоқда. Июнь ойининг бошларида альбомнинг тақдимот маросими бўлиб ўтиши режалаштирилган.
Айни дамда Наманган вилоятида бўлиб ўтаётган “Баркамол авлод” спорт фестивалида иштирок этиш учун барча санъаткор ва шоу-бизнеснинг машҳур вакиллари сингари фаол иштирок этишяпти.
Бундан ташқари, гуруҳ томонидан янги иккита сокин тарона ҳозирлаб қўйилгани ҳам маълум бўлди. Унинг премьераси эса июнь ойи охирларида бўлиб ўтади.
Тез кунларда эса “ElDiDo”нинг “Ҳей ёр” таронасидан баҳраманд бўласиз.