Fe`li tez xitoylik 5 nafar qo`shnisini bo`g`izladi

Xitoyning Xenan viloyatida yashovchi, mahalliy aholi fuqarolaridan biri bo`lgan erkak maishiy janjal oqibatida besh nafar qo`shnisini bo`g`izladi, deb xabar berdi “Vesti.ru” nashri.

Voqea juma, 3 fevral kuni ro`y berdi. Polisiya bergan ma`lumotga ko`ra, janjal oqibatida uch kishi voqea joyida, ikki kishi kasalxonada jon berdi. Fojiadan keyin, qo`shnilarini pichoqlab o`ldirgan erkak o`z joniga qasd qilmoqchi bo`ldi. Ammo zudlik bilan etib kelgan polisiya uni qo`lga oldi.

Dastlabki taxminlarga ko`ra, janjal chiqishiga er talashish sabab bo`lgan.