Google 2014-yilning ikkinchi choragida 16 milliard dollar daromad ko‘rdi

Google kompaniyasi 2014-yilning ikkinchi choragida erishgan natijalarini 17-iyul kuni e’lon qildi. Bu haqda The Verge nashri xabar berdi.

Ikkinchi chorak yakunlariga ko‘ra Google daromadi o‘tgan yilning shu paytiga nisbatan 22 foiz o‘sishni ko‘rsatib, deyarli 16 milliard dollarga yetgan.

Kompaniya sof foydasi esa 3,42 milliard dollarga teng bo‘ldi. Bu bilan kompaniya kutilganidan yaxshiroq natijaga erishgannini ko‘rish mumkin.

Google’ning o‘tgan chorakdagi katta yangiligi — o‘z-o‘zini boshqaradigan avtomobil bo‘ldi, deyiladi xabarda.