Hindistonlik ayol qornidan 36 yil avval halok bo‘lgan chaqaloq suyaklari chiqarib olindi
- Категории: Yangiliklar
- Название: Hindistonlik ayol qornidan 36 yil avval halok bo‘lgan chaqaloq suyaklari chiqarib olindi
- Дата релиза: 24-08-14, 16:23
Hindistonlik shifokorlar Madhya-
Pradesh shtatida istiqomat qiluvchi
62 yoshli Jioti Kumar organizmidan
36 yil avval vafot etgan chaqaloq
skeletini chiqarib oldi. Shifokorlar
butun dunyo bo‘yicha eng uzoq davom etgan bachadondan tashqari homilaga duch kelganini
aytmoqda. Bu borada o‘rnatilgan
avvalgi rekord 18 yilni tashkil
etgan edi, deb xabar bermoqda “Vesti” Inquisitr’ga tayanib.
Jioti Kumar 1978-yil 24 yoshida
homilador bo‘ladi. Shifokorlar
ayolni bola bachadondan
tashqarida rivojlanayotgani uchun
yashab ketmasligini aytib,
ogohlantiradi. Jioti operatsiyadan qo‘rqib, shaxsiy shifoxonaga
murojaat qiladi. U yerda og‘riqdan
xalos bo‘lgan ayol endi muammo
tug‘ilmasligiga ishonadi. Oradan 36 yil o‘tib, Jioti qorin sohasida og‘riq seza boshladi. Nagpur shahridagi Tibbiy fanlar institutiga murojaat qilgan ayol operatsiyaga rozilik bildiradi. Natijada bir guruh jarrohlar ayolning tanasida qolib ketib, bir necha o‘n yil avval halok bo‘lgan chaqaloq skeletini chiqarib oldi. Ayni damda Jioti Kumar o‘zini
yaxshi his qilmoqda. Tibbiy adabiyotlarni o‘rganib chiqqan hind shifokorlari yuqoridagi voqea kamdan-kam sodir bo‘lishini aniqladi. Bundan avval shunga o‘xshash holat Belgiya fuqarosi bilan yuz bergan. U tug‘ilmagan farzandining qoldiqlarini tanasida 18 yil mobaynida olib yurgan.