iPhone’ni quvvatlantirishga qo‘ygan amerikalik uchinchi darajali kuyish jarohatini oldi

Amerikalik Vili Dey iPhone’ni quvvatlantirishga qo‘yib, uxlagani yotganidan so‘ng uchinchi darajali kuyish jarohatini oldi. Bu haqda “Korrespondent.net” xabar bermoqda.

Vili tok zarbasi va bo‘ynida metall zanjir keltirib chiqargan achishishdan uyg‘onib ketdi. U qo‘shimcha kabeldan foydalangani va unga quvvatlantirish vilkasini ulagani bildirilmoqda.

Ma’lum bo‘lishicha, uning uchi oxirigacha kiritilmagan, metall zanjir esa o‘tkazgich vazifasini bajargan.

Jabrdiydani ko‘zdan kechirgan shifokorlar uning omadi chopgani, hodisa ayanchli xotima topgan bo‘lishi mumkinligini ta’kidladi.
Manba: Daryo.uz