Канадада йўловчи ташувчи самолётлар тўқнашди

Канаданинг Торонто шаҳридаги Пирсон халқаро аэропортида икки йўловчи самолёт тўқнашди, деб хабар берди “Тvzvezda.ru” нашри.  

Pakistan International Airlines ва Air France авиакомпанияларига тегишли икки самолёт қўниш терминалларидан бирида бир-бирига урилиб кетди. Покистон авиалайнери қаноти билан иккинчи самолётни уриб юборди.

Авиаҳалокатдан ҳеч ким жабрланмади. Фавқулодда ҳодиса туфайли йўловчилар бир неча соат терминалда парвозни кутишга мажбур бўлишди. Ҳозирда воқеа тафсилотлари ўрганилмоқда.