Хонанда Шароф Муқимов автомобили билан юз берган нохуш ҳолат ҳақида сўзлаб берди(Фото)

Хонанда Шароф Муқимов мухлисларидан айрим ожиз кимсаларга инсоф сўраб, дуо қилишларини сўради. 

Гап шундаки, номаълум шахслар хонанданинг Captiva русумли автомобилининг орқа ойнасини уриб синдирган. 

“Ҳурматли азизларим, ярим тунда машинамга тушган ўғрига инсоф сўраб, дуо қилиб қўйинглар, зора инсоф кирса”,—деб ёзади Шароф Муқимов автомобили суратини Instagram`даги саҳифасига жойлаштириб.

Шароф Муқимов ўғрилар автомобилдан нима ўғирлагани ҳақида маълумот бермаган. 

“Кўпчиликнинг дуосига муҳтож ожизлар ҳам бор. Жиноят жазосиз қолмас, охиратда ҳам”,—дейди хонанда сўзларини давом эттирар экан.