Koreyalik foydalanuvchilar almashtirib berilgan Galaxy Note 7 smartfonlari qizib ketayotganidan shikoyat qildi

Samsung Janubiy Koreyada Galaxy Note 7 smartfonlarini almashtirib bera boshladi. Ammo foydalanuvchilar yangi uskunalarda ham muammolar borligidan shikoyat qilmoqda, deb xabar beradi TJournal. Ularning aytishicha, yangi smartfonlarning akkumulyatorlari doimo qizib ketadi va ba’zan hatto quvvatlantirilayotgan paytda butunlay quvvatsizlanib, o‘chib qoladi. Shu bilan birga, Samsung vakillarining ishontiricha, shikoyatlar kam bo‘lib, muammo akkumulyatorlar bilan bog‘liq emas.