Lola ayollardagi qaysi xislatlar erkaklar e'tiborini jalb qilish haqida gapirdi

Хонанда Лола ўзини ижтимоий тармоқлар орқали кузатиб бораётган мухлисларига мурожаат қилиб, эркак ва аёл ўртасидаги муносабатлар ҳақида сўз юритди.

“Қизлар, эркак ва аёл ўртасидаги муносабатлар ҳақида бироз сўз юритсак.

Ташқи кўриниш, ақл, ёш, ижтимоий ҳолат, ижобий фазилатлар—буларнинг барчаси иккинчи даражали.

Онгли равишда ва ҳатто инстинкт даражасида эркакни аёлдаги ички ҳолат ўзига жалб қилади. Қандай?(шу ерда эркаклар кўзингизни юмиб туринг)-бу сизнинг ўз-ўзингиздан ва ҳаётингиздан лаззатланишингиздир. Бу худбин, бепарво ва ўз-ўзига бино қўйиш дегани эмас. Агар сиз ўз ҳаётингиздан завқ олишни ўрганган бўлсангиз, ишлаяпсизми, дам оляпсизми, қаҳва ичяпсизми ёки машина бошқаряпсизми, бу муҳим эмас, сиз албатта ёнингиздагиларнинг эътиборини жалб қиласиз, уларда ўзингизга нисбатан қизиқиш уйғотасиз.

Ўз-ўзидан завқ олиш, бу мураккаб санъат, бироқ уни ўзлаштирган аёл кучли магнитга айланади. Ҳақиқий аёл эркакка гўзаллиги, ақли, танасини эмас, балки унинг севимли аёли ёнидаги ҳолатини ҳадя этади. Ва диққат! Эркакка муҳаббат, аёлнинг ўз-ўзига муҳаббатидан бошланади. Азиз аёллар, сиз ўзингизни севишни бошламагунингизга қадар ҳар бир эркак сиз учун шунчаки ёлғиз қолишдан қўрқувингизни енгишга ёрдам берадиган психотерапевт вазифасини бажаради. Ва яна бир фикр. Ҳеч қачон эркакларни ‘Улар ҳаммаси бир хил’ қабилида умумлаштирманг. Ҳамма эркаклар ҳар хил. Ҳар бир аёл ўз оламини яратади ва унинг атрофида, аёл ўз ҳаётига қизиқиш уйғота олган эркаклар бўлади”—деб ёзади Лола.

Маълумот учун, аввалроқ Лола бўлажак турмуш ўртоғи билан икки йил аввал танишганини маълум қилган эди.