Lolaning xonadonida to`y

Xonanda Lola bundan bir necha kun avval o`zining ijtimoiy tarmoqlardagi sahifalariga qo`ygan surati muxlislar o`rtasida shov-shuvlarga sabab bo`ldi.

Unashtiruv patirlari aks ettirilgan suratlarni har kim turlicha talqin qildi. Kimdir Lolani turmushga chiqayotgani bilan tabriklasa, yana kimdir bu Lolaning emas, singlisining unashtiruvi ekanligini ta`kidladi.

Lola bugun mana shu mish-mishlarga chek qo`ydi va Instagram`dagi sahifasiga singlisi Asalning kelinlik libosidagi suratini joyladi. Demak, Lolaning xonadonida yaqin kunlarda karnay-surnay sadolari jaranglaydi. Xonandaning 19 yoshli singlisi Asal turmushga chiqmoqda.

Ma`lumot uchun, Lolaning singlisi Asal Moskva davlat xalqaro aloqalar instutida tahsil oladi. Asal Lolaning "Love me" va "Super love" kliplarida suratga tushgan.
Manba: Darakchi.uz