Манзуранинг диний фикрлари кўринишига мос эмасми?

Хонанда Манзуранинг ижтимоий тармоқлардаги саҳифаларидаги постларида диний фикрлар тобора кўпаймоқда, деб ёзади “Sayyod”.

Нашрнинг ёзишича, ижтимоий тармоқлар фойдаланувчилари “Манзуранинг диний фикрлари шоу-бизнесдаги ўрнига мос эмас”, қабилидаги фикрларни ёзиб қолдиришмоқда.

Масалан, интернет фойддаланувчиларининг фикрига кўра, хонанданинг янги "Ромео" клипи хонанданинг диний фикрларига умуман тўғри келмайди. Мазкур айбловларга Манзура қуйидагича жавоб берди:

“Қандай кўринишда бўлишим керак экан унда? Доимо кичкина қизалоқ кўринишидами? Доимгидек кўринишдаман, шунчаки ёшимга ёш қўшиляпти. Шоу-бизнес хам мусулмонку. Худога шукр, хаммаёғим ёпиқ бўлса. Ундай бўлсанг ҳам ёқмайсан, бундай бўлсанг ҳам. ‘Ромео’ клипида эса яланғоч эмасманку, ҳаммаёғим ёпиқ бўлса, тавба одамларниям тушуниб бўлмайди. Клипдаги имиджим ‘дерзко’ бўлса, бу дегани Худони унутди, деганимаску. Бундай ноўрин танқид қилаётган одамларни эса очиғи тушунмадим”.