Maxsus xizmatlar Telegram asoschisining elektron pochtasini buzib kirishga urindi

“VKontakte” ijtimoiy tarmog‘i va Telegram messenjeri asoschisi Pavel Durov uning elektron pochtasini maxsus xizmatlar buzib kirishga uringani haqidagi Google axborotini e’lon qildi.

“Davlatga aloqador xakerlar sizning parolingizni o‘g‘irlashga uringan bo‘lishi mumkin”, — deyiladi Pavel Durov tomonidan Twitter’da e’lon qilingan Google xabarnomasida.

“Men hech qachon muhim ishlar uchun Gmail’dan foydalanmayman, biroq nima uchundir yuz bergan hodisadan hayron bo‘layotganim yo‘q”, — deya hodisaga munosabat bildirdi Telegram asoschisi.
Manba: Daryo.uz