MediaTek 2018-yilda iPhone’lar uchun modem ishlab chiqarishda Qualcomm’ning o‘rnini egallaydi

Apple o‘zi uchun modem yetkazib beruvchi hamkorni qidirmoqda. Mishmishlarga ko‘ra, kompaniyaning e’tibori MadiaTek’ka tushgan. Xitoy kompaniyasi 2018-yilda iPhone’lar uchun modemlarning bir qismini ishlab chiqaradi. Qolgan qismini esa Intel yetkazib beradi, deb xabar qiladi “Hi-Tech.Mail.Ru”.

Yangi hisobotda noma’lum manbalardan keltirilgan iqtiboslarga ko‘ra, MediaTek Apple’ning iPhone’lari uchun modem yetkazib berish bo‘yicha barcha imkoniyatlarga ega. MediaTek Apple’ning yangi iPhone modellari uchun modem ishlab chiqarishda Intel bilan birlashadi.

DigiTimes’ning yozishicha, MediaTek va Apple o‘rtasidagi hamkorlik oddiy modemlardan ko‘ra uzoqroqqa borishi mumkin: kompaniya smart-dinamiklar va simsiz quvvatlantirgichlar ishlab chiqarishda yetakchi hisoblanadi.
Manba: Daryo.uz