Microsoft kompaniyasi Instagram’ga a’zo bo‘ldi va dunyoni kezish uchun fotograf yolladi

Instagram’da Microsoft kompaniyasining akkaunti paydo bo‘ldi. Unga kompaniya mahsulotlarini ishlatayotgan kishilarning suratlari joylanadi. Bu haqda Mashable nashri xabar berdi.

 Microsoft kompaniyasi Jastin Bastien ismli fotografni yolladi va uning dunyo kezishi uchun barcha sharoitlarni yaratib berdi. Endilikda, fotograf butun dunyo bo‘ylab Microsoft mahsulotlaridan o‘z kasbida foydalanayotganlarni suratga oladi va kompaniyaning Instagram’dagi profiliga joylaydi.

 Microsoft’ning Instagram’ga yuklanadigan suratlari #DoMore xeshtegi bilan joylanadi. Hozirda esa ushbu profilda loyiha haqidagi videorolik va qahva tayyorlab beruvchining surati mavjud.