Quvaytda jonli efir paytida boshlovchi ko'rsatuv mehmonini yoqib yubordi

Қувайтда комедия шоусида бошловчи, жонли эфирда кўрсатув меҳмонининг устига бензин қуйиб, ёқиб юборди, деб хабар берди “Тvzvezda.ru” нашри. Қувайтлик, машҳур бошловчи Жасем Ражаб кўрсатув меҳмонини Instagram ижтимоий тармоғининг “энг бақироқ одами”, деб атади ва унинг устига бензин қуйиб ёқиб юборди. У бор-йўғи бир-икки сония ёнгач, съёмка гуруҳи ходимлари оловни ўчиришди. Мазкур видео Youtube га жойлаштирилиб, бу трюкни такрорламаслик тўғрисида изоҳ қолдирилди. Видеороликнинг барча иштирокчилари хавфсизлик чораларига риоя қилишгани таъкидланди. Шоу бошловчисининг сўзларига қараганда, меҳмоннинг танаси махсус қатлам билан ҳимоялангани боис ҳеч қандай оғриқни ҳис қилмаган. Бундан ташқари, улар оловни ўтўчиргич билан ўчиришган. Аммо ижтимоий тармоқ фойдаланувчилари бошловчи Жасем Ражабни “ваҳшиёна трюк” учун жазолашни талаб қилган.