Taniqli dublyaj rejissori Matyoqub Orziyev vafot etdi

13-iyun kuni taniqli dublyaj rejissori Matyoqub Orziyev vafot etdi, deb yozadi UZ24. Bu haqda kinorejissor Jahongir Ahmedov Instagram’dagi sahifasida xabar qoldirdi. “Bugun ulug‘ kunlarning birida taniqli dublyaj rejissori, halol va vijdonli inson Matyoqub Orziyev olamdan o‘tdilar. Bizning oxirgi hamkorligimiz ‘Majnun’ filmida bo‘lgandi. Bu juda katta yo‘qotish, chuqur qayg‘udamiz! Oxiratlari obod bo‘lsin!”, — deb yozdi Jahongir Ahmedov. Aktyor Akbarxo‘ja Rasulov ham Instagram orqali marhumning oila a’zolariga ta’ziya bildirdi. Uning yozishicha, Matyoqub Orziyev 13-iyun kuni tongda og‘ir betoblikdan vafot etgan.