​Toshkentda kameralar ishga tushirilishi bilan odam o`limi bilan bog`liq YTHlar soni kamaydi

2017 yilning 15 martidan boshlab Toshkent shahridagi 115 ta chorrahalarga o`rnatilgan 883 ta kuzatuv kameralari qoidabuzarliklarni qayd etib, ularga nisbatan jarima solish tizimi ishga tushirildi. Bugun, 23 mart kuni Toshkent shahar IIBBda bo`lib o`tgan brifing chog`ida kameralar ishga tushirilishi bilan haydovchilar tomonidan sodir etilayotgan qoidabuzarliklar soni kamaygani aytildi.

Unga ko`ra, 15 mart kuni bir sutkada 8 mingdan ziyod qoidabuzarlik qayd etilgan bo`lsa, bu ko`rsatkich 22 mart kuniga kelib 2 mingtani tashkil etib, qoidabuzarliklar soni to`rt barobarga ya`ni 6 mingtaga kamaygan. Bu haqda Toshkent shahar IIBB boshlig`i o`rinbosari Doniyor Toshxo`jaev ma`lumot berdi.

Shuningdek, kameralar ishga tushganidan so`ng Toshkent shahrida odam o`limi bilan bog`liq YTHlar soni ham ikki barobarga qisqardi.

Misol uchun, 10 martdan 16 martga qadar 27 ta YTH va 3 ta odam o`limi bilan bog`liq holat qayd etilgan bo`lsa, 17 martdan 23 martga qadar 14 ta YTH va 1 ta odam o`limi bilan bog`liq holat qayd etilgan
Manba: Darakchi.uz