Toshkentda "propiska"si bo'lmagan fuqorolarga poytaxtdan uy sotib olish imkoni taklif etiladi

Президентимиз ташаббуси билан Ўзбекистон Республикаси норматив ҳуқуқий ҳужжатларнинг муҳокамаси порталига кенг муҳокама учун жойланган 2017-2021 йилларда Ўзбекистонни ривожлантиришнинг бешта устувор йўналиши бўйича Ҳаракатлар стратегияси лойиҳасида Тошкентда рўйхатдан ўтмаган ва чет эл фуқароларига Тошкент ва Тошкент вилоятидан уй харид қилиш имкони таклиф этилиши кўриб чиқилмоқда.

Лойиҳада Ўзбекистон Республикаси фуқароларига янги қурилган уйлардан сотиб олиш бўйича аниқ қоидалар белгилаш таклиф этилди. Бунда унинг нархи энг кам иш хақининг 2 минг баравар миқдоридан кам бўлмаслиги, шунингдек уйни харид қилаётганда, унинг нархидан 5-10 фоиз давлат божи тўланиши ўрнатилади.

Ҳудди шундай шартларда норезидентлар яъни чет эл фуқаролари ҳам уй харид қилишлари мумкин, аммо уйнинг нархи 100 минг АҚШ доллардан кам бўлмаслиги шарт.

Айтиш жоизки, Ўзбекистонни ривожлантириш Ҳаракатлар стратегияси лойиҳаси айни дамда муҳокамада. У ўзгартирилиши, тўлдирилиши ёки бекор қилиниши мумкин.