Тошкентда “СИНИЙ КИТ” ўйини иштирокчисига айланган қарийб 40 нафар ўқувчи аниқланди
- Категории: Yangiliklar
- Название: Тошкентда “СИНИЙ КИТ” ўйини иштирокчисига айланган қарийб 40 нафар ўқувчи аниқланди
- Дата релиза: 13-03-17, 11:24
Тошкентда “СИНИЙ КИТ” ўйини иштирокчисига айланган қарийб 40 нафар ўқувчи аниқланди
Ўзбекистонда вояга етмаган болаларнинг ўлимга олиб борувчи ўйинлар иштирокчисига айланиб бораётганлиги бугун барчамизга маълум. Бугунга қадар ҳуқуқ-тартибот органлари томонидан ўз жонига қасд қилиш даражасигача олиб борувчи ўйинларга кириб кетаётган вояга етмаган болаларни сақлаб қолиш бўйича ишлар олиб борилмоқда.
Президент Шавкат Мирзиёев ҳафтанинг пайшанба кунини жиноятчиликнинг олдини олиш ва профилактика куни, деб эълон қилиши муносабати билан ҳар ҳафта шу куни ҳуқуқ-тартибот идоралари томонидан ҳафта давомида амалга оширилган ишлар хусусида ҳисобот берилмоқда.
Бугунги кунда ёшлар ва вояга етмаганлар томонидан содир этилаётган ҳуқуқбузарлик ва жиноятчилик, энг ачинарлиси, улар томонидан Интернет ижтимоий тармоқларида оммалашиб бораётган “СИНИЙ КИТ” ва бошқа шу каби ўз жонига қасд қилиш даражасигача олиб борувчи ўйинларга кириб кетаётганлиги барчамизни ташвишга солмоқда.
Олиб борилаётган “Давомад” тадбирлари давомида ҳар бир ўқувчи-ёшларнинг уяли телефон аппарати текширилганда, 31 та мактаб ва 5 та коллеж ўқувчилари “СИНИЙ КИТ” ўйини иштирокчиларига айланганлиги аниқланди. Бу ҳақда Тошкент шаҳар Ички ишлар Бош бошқармаси бошлиғи ўринбосари Дониёр Тошхўжаев маълумот берди.
Ҳар бир ўқувчиларнинг ота-оналари иштирокида профилактик суҳбатлар ўтказилди, уларга малакали психологлар бириктирилиб, кузатув остига олинди.
Ҳозирги кунда барча вояга етмаганлар ўртасида бундай салбий ҳолатларни олдини олиш борасида барча таълим муассасаларида сайёр учрашувлар ўтказилиб келинмоқда.
Таълим муассасаларининг ўқувчи ёшлари, уларнинг ота-оналари ўртасида олиб борилаётган тушунтириш ва профилактика тадбирларига қарамасдан мактаб, коллеж ва лицей ўқувчилари турли сабабларга кўра дарс машғулотларида қатнашмаётганлиги аниқланди.
Бундай ҳолатларни олдини олиш мақсадида, таълим муассасаларида ўқитувчи ва мураббийлар, ота-оналар иштирокида сайёр муҳокамалар ўтказилди, ота-оналарга нисбатан маъмурий таъсир чоралари кўрилди.
Manba: Darakchi.uz
Президент Шавкат Мирзиёев ҳафтанинг пайшанба кунини жиноятчиликнинг олдини олиш ва профилактика куни, деб эълон қилиши муносабати билан ҳар ҳафта шу куни ҳуқуқ-тартибот идоралари томонидан ҳафта давомида амалга оширилган ишлар хусусида ҳисобот берилмоқда.
Бугунги кунда ёшлар ва вояга етмаганлар томонидан содир этилаётган ҳуқуқбузарлик ва жиноятчилик, энг ачинарлиси, улар томонидан Интернет ижтимоий тармоқларида оммалашиб бораётган “СИНИЙ КИТ” ва бошқа шу каби ўз жонига қасд қилиш даражасигача олиб борувчи ўйинларга кириб кетаётганлиги барчамизни ташвишга солмоқда.
Олиб борилаётган “Давомад” тадбирлари давомида ҳар бир ўқувчи-ёшларнинг уяли телефон аппарати текширилганда, 31 та мактаб ва 5 та коллеж ўқувчилари “СИНИЙ КИТ” ўйини иштирокчиларига айланганлиги аниқланди. Бу ҳақда Тошкент шаҳар Ички ишлар Бош бошқармаси бошлиғи ўринбосари Дониёр Тошхўжаев маълумот берди.
Ҳар бир ўқувчиларнинг ота-оналари иштирокида профилактик суҳбатлар ўтказилди, уларга малакали психологлар бириктирилиб, кузатув остига олинди.
Ҳозирги кунда барча вояга етмаганлар ўртасида бундай салбий ҳолатларни олдини олиш борасида барча таълим муассасаларида сайёр учрашувлар ўтказилиб келинмоқда.
Таълим муассасаларининг ўқувчи ёшлари, уларнинг ота-оналари ўртасида олиб борилаётган тушунтириш ва профилактика тадбирларига қарамасдан мактаб, коллеж ва лицей ўқувчилари турли сабабларга кўра дарс машғулотларида қатнашмаётганлиги аниқланди.
Бундай ҳолатларни олдини олиш мақсадида, таълим муассасаларида ўқитувчи ва мураббийлар, ота-оналар иштирокида сайёр муҳокамалар ўтказилди, ота-оналарга нисбатан маъмурий таъсир чоралари кўрилди.
Manba: Darakchi.uz